[Bideoa] Sarasene etxeko goiko solairuan piztutako suteak gizon bat larri zauritu du
Gauerdian sutea piztu da Iturriotz auzoko Sarasene etxean. Lau solairuko eraikina hustuarazi egin behar izan dute, eta zortzi pertsona artatu dituzte kea arnasteagatik.
![oiartzun](https://oarsoaldea.hitza.eus/site/files/2020/02/oiartzun-500x313.jpg)
Ozentzio kaleko 4 zenbakiko etxean piiztu da sutea.
Gauerdia pasatxo zela, sutea piztu da Oiartzungo Sarasene etxean. Iturriozko Ozentzio kaleko etxebizitzako goiko solairuak su hartu du, argitzeko dauden arrazoiengatik.
Larrialdi zerbitzuak hurbildu dira bertara, sua itzaltzeko lanetara. Jakinarazi dutenez, Sarasenen bizi den den 51 urteko gizon bat Gurutzetako ospitalera (Barakaldo) eraman behar izan dute, eskuetan zauri larriak dituela eta.
Horrez gain, beste zortzi lagun artatu behar izan dituzte zerbitzu medikuek. Bi, ondoko etxeko auzokideak. Beste seiak ertzainak dira. Sua guztiz itzaltzeko lana izan dute, suhiltzaileek 04:15ean bukatu baitute jardun hori.
Auzokideek etxetik kanpo pasa behar izan dute gaua. Gaur goizean zehar, Oiartzungo Udaleko teknikariak Iturriotz auzoko etxetik pasatuko dira, txostena egiteko asmoarekin.