Asteazkenean egingo dute Lezoko udalbatzarra
Hamar gaiko udalbatzarra izango da. 19:00etan ekingo diote zinegotziek horiek eztabaidatzeari.
19:00etan hasiko da udalbatzarra. Lezoko zinegotziek hitzordua dute asteazken arratsalderako (hilaren 5erako). Ohiko osoko bilkura egingo dute, hamar puntukoa orotara, eta 19:00etan hasiko da. Puntu horien artean, PSE-EEk aurkeztutako mozio bat dago, elikagaien xahuketaren gainekoa.
Honakoak dira, puntuz puntu, aztertuko dituzten gaiak:
- 2019ko azaroaren 28an ohiko izaerarekin egindako bileren akta onartzea.
- 107 industria poligonoko 3, 4 eta 5 lursailaren emakida demaniala kontratatzeko espedienteari jardunbide irekiaren bidez hasiera emateko diktamena.
- URA Ur Agentzia eta Lezoko Udalaren arteko hitzarmena onartzeko diktamena.
- Herritarrek jarritako alegazioei erantzuteko txostena onartu eta Lezoko Soinu Ingurua Hobetzeko Plana onartzeko diktamena.
- 2020. urtean udal langileen ordainsariak igotzeko proposamena.
- 2019ko udal aurrekontuen aldaketaren kontu ematea.
- Udal kontu hartzailearen txostenen berri ematea.
- Udal talde sozialistak aurkeztutako mozioa: Lezoko Udala atxikitzea elikagaien xahupenaren aurkako Euskadiko plataformara.
- Alkatearen, organo kolegiatuetako udal ordezkarien eta delegatuen txostenak.
- Galde-eskeak.
