Oarsoaldeko ekintzaileentzat diru laguntzak prest daude
Bi lerro daude: enpresa ideiak garatzeko bat, eta enpresa proiektuak martxan jartzeko bestea.
Habian! hazitegian eman behar dira laguntza eskaerak. Oarsoaldeko Garapen Agentziak jakinarazi du ekintzaileentzako diru laguntza bi lerro dituela abian. Bat enpresa ideiak garatzeko da, eta bestea enpresa proiektuak martxan jartzeko. Hau da, enpresa munduan ideiak definitu edo egokitzeko da lehen lerroa, eta bigarrena ideia bideragarriak martxan jartzeko. Laguntzen deialdiaren barruan daude Oarsoaldeak emandako aholkularitza, eta Lanbidek (Europako Gizarte Funtsarekin batera) eskainitako laguntza ekonomikoak.
Onuradunek jaso ditzaketen laguntzak honakoak dira:
- Enpresa ideia garatzeko: 30 urte edo gehiago duten gizonezkoentzat 1.000 euro, eta emakumezkoentzat 1.150 euro; eta 30 urte edo gutxiago duten gizonezkoentzat 1.150 euro eta emakumezkoentzat 1.300 euro.
- Enpresa proiektuak martxan jartzeko: 30 urte edo gehiago duten gizonezkoentzat 1.500 euro, eta emakumezkoentzat 1.725 euro; eta 30 urte edo gutxiago duten gizonezkoentzat 1.725 euro, eta emakumezkoentzat 1.950 euro.
Non aurkeztu eskaerak?
Eskaera aurkeztu nahi dutenek, Errenteria-Oreretako Habian! hazitegian (Torrekua eraikinean) Oarsoaldeak dituen bulegoetan hilaren 24a baino lehen aurkeztu beharko dituzte eskaera-orria eta gainerako dokumentazioa. Bulegoa 09:00etatik 14:00etara izango da zabalik.
Baldintzei, eskaerari edo prozedurari buruzko informazio gehiago nahi izanez gero, enpresa txikiei laguntza eskaintzen dien agentziako sailarekin harremanetan jartzeko aukera dago (943 494 129 telefono zenbakian) edo posta elektroniko bat idatziz .
Laguntzari buruzko informazioa gehiago:
- Enpresa ideia garatzeko xehetasunak, hemen klikatuz.
- Enpresa proiektuak martxan jartzeko, hemen klikatuz.
