Naranjo de Bulneseko tragediaz arituko dira Urdaburu elkartean
Euskal mendizaletasuna astindu zuen Naranjo de Bulneseko (Picu Urriellu asturieraz) tragedia ekarriko dute gogora gertatu eta 51 urtera.
Argazkia: Alberto Caceres Euskal mendizaletasuna astindu zuen Naranjo de Bulneseko (Picu Urriellu asturieraz) tragedia ekarriko dute gogora gertatu eta 51 urtera. Urdaburu Mendizale Elkartearen eskutik, Berrio eta Ortiz, 51 urte Naranjo de Bulneseko tragedia izeneko proiekzioa aurkeztuko du Alberto Caceresek bihar, 20:00etan.
Patxi Berrio eta Ramon Ortiz eskalatzaileak Naranjo de Bulnes mendia mendebalde aldetik igo nahi zuten neguan. Bidean eta gailurrera iristear zeudela zendu ziren biak. Haien erreskatea gogorra eta zaila izan zen oso, eta bertan hartu zuen parte, besteak beste, bihar proiekzioa egingo duen Alberto Caceresek. Naranjo de Bulnesera egindako neguko lehen igoera izan zen 1969koa, eta gertatutako istripua kontatzeaz gain, bere esperientziaz ere hitz egingo du Caceresek.
