Gure Zumardiko harmailak berritzeko obrak hastear dira
Haurrentzako jolastokiko eserlekuak dira berrituko dituzten harmailak. Proiektuaren aurrekontua 63.358 eurokoa dela jakinarazi du Pasaiako Udalak.
Gaur bertan hasi dira Antxoko Gure Zumardia dagoen jolastokiko harmailak berritzeko obrak. Plazaren ekialdeko bazterrean dago kokatuta jolastokia, Eskalantegi kalearen parean eta egunero haur ugarik jolasten dute bertan. Finean, herriak dituen arnasgune eguzkitsu gutxienetakoa da.
Pasaiako Udalak eman du albistearen berri, eta antxotarren egunerokoan eragin positiboa izango du, Izaskun Gomez alkatearen aburuz, “tankera honetako obrek eragin zuzena dute Antxoko eraberritze prozesuan”. Obran datorren hastean hasiko direla esan dute udaleko iturriek eta bi fasetan garatuko dira. Lehenik eta behin adreiluzko paramentuak garbitu eta saneatuko dituzte hezetasunak eragindako arazoak konpontzeko. Jarraian material hidrofugoekin estali eta egokitukok dituzte, hezetasunak berriro ere honda ez ditzan. Amaitzeko tonu berde ezberdinekin margotuko dituzte harmaila berriak.
Aipatutakoez gain, bestelako konponketa txikiak ere egin daitezkeela adierazi dute udaletik, besteak beste, kaleko zorua hobetzeko. Guztira, 63.358 euroko aurrekontua bideratu du udalak proiektura. Obrek irauten duten bitartean, jolastokia hesituta egongo da, segurtasuna bermatzeko. Udalak barkamena eskatu die herritarrei, obrek eragin ditzaketen eragozpenengatik.