'Gure Bizipoza, guztiona' dokumentala aurkeztuko dute bihar
Bizipoza iniziatiba zabaltzeko, zein helburu dituen azaltzeko Gure Bizipoza, guztiona dokumentalaren emanaldia egingo dute bihar Reina aretoan.
Arrakastatsua izan da Bizipozaren Jaia. Bizipoza iniziatiba zabaltzeko, zein helburu dituen azaltzeko Gure Bizipoza, guztiona dokumentalaren emanaldia egingo dute bihar Reina aretoan. Horrekin batera, Bizipoza elkarteak egindako mikro dokumental batzuk ere proiektatuko dira. Azken horiek, Mindara, Arnasa eta Juneren Hegoak Oarsoaldean lanean diharduten elkarteen egunerokoa erakusteko baliatuko dituzte.
Luisma Laboak eta Anabel Arraizak aurkeztuko dute ekitaldia, eta emanaldian parte hartuko dute Larraitz Etxebeste dantzariak, Xabier Vesga Txistulariak, Xenpelar Bertso Eskolak, eta Kontari abesbatzak.
Bizipozak jai erraldoia egin zuen 2018ko irailean Errenteria-Oreretan. Elkartea osatzen duten izaera bereziko 33 elkarteek lehen eskutik azaldu zieten bertaratu zirenei egiten duten lana, ez nolanahikoa.
