Trapujalerekin eta Marinazkanerekin bat egiteko entsegua, larunbatean
Lezoko inauterietako kanten eta dantzen berri izateko entsegua antolatu dute hilaren 15erako (larunbata), 16:00etan, Karlos Saldise plazan.
Entsegua larunbatean da, 16:00etan. Lezoko eskola eta ikastoletako gurasoek, Murixka Dantza Taldeak, eta Trapujale Taldeak deia egin diete lezoar guztiei, inauteriak hurbil izanda, Trapujaleren abestia eta dantza, nahiz Marinazkaneren sorgin dantza landu ditzaten. Horretarako, entsegua antolatu dute hilaren 15erako (larunbaterako): 16:00etan da trebatze saioa, Karlos Saldise plazan.
Deitzaileen ustez Trapujale ezinbesteko bihurtu da Lezoko inauterietan, izan ere, horren inguruan hainbat ekitaldi antolatzen direlako inauteri aroan Lezon, hala nola, ongietorria edo jaitsiera, kalejira, epaiketa eta herio bidaia. Horietan dantzak eta abestiak elementu nabarmenak dira, beraz, entseguaren xedea da lezoarrek horietan parte hartzea, izan ere, Lezoko inauterietan bilatzen dena parte hartzea baita.
“Honetarako, hankak eta eztarriak berotzen hasteko”, egingo dute larunbateko entsegua. Irekia da, edonor joan daiteke.
