Oiarpeko pilotariek kanporaketa batean, bale; bestean, kale
Malerrekako Haur Mailako Txapelketan Etxeberria eta Leonetek aurrera egin dute. Pilotaren Txokoaren Txapelketan, Ugalde eta Murgiondo kanpora.
Oiarpe pilota elkarteko pilotariek hamabost partidatan izan dute protagonismoa. Balantzea ez da positiboa izan: zazpitan irabazi dute.
Pozik egoteko motiboak dituztenak Etxeberria eta Leonet dira. Bikoteak aurrera egin du, ozta-ozta izan zen arren. Iruñeko Donibane pilota taldeko Campo eta Nicolas menperatu zituzten Donezteben, hiru tantoko aldeagatik. Ondorioz, Malerrekako Txapelketan —Haur Mailan— aurrera egin dute.
Kanporaketa gainditzea lortu ez dutenak Ugalde eta Murgiondo izan dira. Donostiako Pilotaren Txokoaren Txapelketako final laurdenetako partida jokatu zuten pasa den larunbat arratsaldean. Arrieta eta Azantzak 14 tantotan utzi zituzten.
Gainontzeko partidak lehen fasekoak izan ziren, hainbat txapelketetakoak. Garaipen nabarmenenak Madalensoron larunbat arratsaldean lortutakoak izan ziren. Bietan 22-9 irabazi zuten.
Emaitza guztiak ikusteko, egin klik hemen.
