Kaldereroen entseguak, gaur, Trintxerpen
Hilaren 16an (igandea) iritsiko dira Hungariako kaldereroak Trintxerpera. Konpartsan parte hartu nahi dutenek prestaketa saioan parte hartu beharko dute.
Artxibo irudia. Serafin Esnaola plazatik abiatuko da konpartsa, igande goizean.
Otsaileko klasikoetako bat da dira zalantzarik gabe, hungariar kaldereroena. Hilaren 16an (igandea) iritsiko dira Trintxerpera, zartaginak eta mailuak eskuan dituztela. Dena ongi atera dadin, konpartsan parte hartu nahi duten guztiei, gaurko entseguan parte hartzera deitu ditu Trintxerpeko Jai Batzordeak.
Alkateordetzaren beheko pisuan egingo dute prestaketa saioa 20:15etatik 21:15etara. Parte hartzaileek zartaginak eta mailuak beraiekin eraman beharko dituzte. Igandean bestalde, Serafin Esnaola plazatik irtengo da konpartsa, 11:30etan.
