Euskal zinemagintza euskaltegietan, Marta Teijeiraren eskutik
Euskal zinemagintza zertan den ezagutuko dute Oarsoaldeko euskaltegietako ikasleek, Oarsoaldeko Euskara Batzordearen Mintzagun egitasmoko tailerren harira.
Marta Teijeira, Ikuskako saria jaso zuen unean. Oarsoaldeko Euskara Batzordeko Mintzagun egitasmoko tailerren barruan, Marta Teijeira Hotzean garbitu filmaren zuzendariak euskal zinemagintzaren gaineko solasaldiak emango dizkie Oarsoaldeko euskaltegietako ikasleei. Teijeirak Pasaiako Film Laburren Erakusketaren (Ikuska) euskarazko film labur onenaren saria irabazi zuen Hotzean garbitu-rekin.
Oarsoaldeko Euskara Batzordeak urtero sei gai jorratzen ditu, eta horren barruan tailer bana egiten dute Oarsoaldeko sei euskaltegietan, ordu eta erdi ingurukoak. Helburua gai erakargarri, berri eta gaurkotasunekoak euskaraz eskaintzea da, “horrela, ikasle horien bizipenetan gai hori beti euskaraz ageriko da lehen kolpean behintzat. Edozein gai euskaraz jorra daitekeela eta ikasleak ulertzeko gai direla ohartaraztea ere helburu nagusien artean daude, besteak beste”.
Beheko zerrendan dago Teijeirak non eta noiz emango dituen tailerrak. Lehena hilaren 11n eman zuen, Errenteria-Oreretako Xenpelar AEKn.
- Martxoak 5. 18:00etatik 20:00etara, Oiartzungo Intxixu AEKn.
- Martxoak 17. 18:00etatik 20:00etara, Lezoko Oroitzene AEKn.
- Martxoak 25. 18:00etatik 20:00etara, Antxoko Txirrita AEKn.
