Familia giroan, etorkizuneko basoak eraikitzen
OarsoIrrikiak iniziatibak zuhaitz landaketa antolatu du iganderako. San Markoko aparkalekuan gelditu dira, 11:00etan hasteko.
San Marko inguruan egingo dute landaketa. OarsoIrriak iniziatibak, Eguzki talde ekologistarekin eta Errenteriako Udalarekin elkarlanean, zuhaitz landaketa egingo du martxoaren 1ean (igandean). 11:00etan gelditu dira San Markoko gotorlekuko aparkalekuan. Euren xedea da datozen urteetan herritarren inguruan biziko diren zuhaitzak landatzea, etorkizuneko basoak sortzea. Familia giroan egin nahi dute landaketa, haurrak eta helduak joan daitezke.
OarsoIrriak-eko kideen ustez, aukera ona izango da igandekoa bertako habitata berreskuratzen hasi, eta aldi berean ingurumena zaintzeko “CO2aren isurien murrizketa bultzatuz”.
Ohartarazi dute, bertara joango direnek hobe dutela kirol edo mendiko jantzi eta oinetakoak eramatea, belar eta lur artean ibiliko direlako.
