Parte hartze handia iragarri dute Bakailaozko Pintxo Txapelketan
38 ostatuk parte hartuko dute Pasaiako Udalak antolatu duen Gipuzkoako VI. Bakailaozko Pintxo Txapelketan. Atzotik eta martxoaren 8ra bitarte, bakailaoa izango da osagai nagusia taberna eta jatetxeetan.
Pasaiako Kultur zinegotzi Jorge Aguayo, Izaskun Gomez alkatea eta Sonia Garcia Baseclick enpresako kide Sonia Garcia, txapelketaren aurkezpenean. Pasaiak antolatu du Gipuzkoako VI. Bakailaozko Pintxo Txapelketa. Antolatzaile nagusi diren, Pasaiako Udalak, Oarsoaldeko Garapen Agentziak eta Baseclick ekitaldi gastronomikoen enpresak, parte hartze handia iragarri dute, izan ere, lurralde osoko 38 ostatuk parte hartuko dute aurtengo edizioan. Martxoaren 8ra arte, bakailaozko pintxorik onenak izango dira dastagarri Gipuzkoa osoko hainbat tabernetan.
Pintxoen oinarria, nola ez, bakailaoa izan beharko du. Hortik aurrera, edozein produktu aukeratu dezakete jaki nagusia laguntzeko. Txapelketa, berez, martxoaren 8an bukatu arren, 10ean izango da final handia, iaz bezala showcooking formatuan eta Pasai Donibanen. 16:00etatik aurrera, hamabi sukaldari, nor baino nor aritu dira, txapela irabazteko Donibaneko Kulturgunean.
Pasaiak arrantzarekin eta bereziki bakailaoarekin izan duen lotura dela eta, ohoretzat du Izaskun Gomez alkateak, pintxo txapelketa antolatzea, “XVI mendetik, Pasaiak lotura izan du itsaso eta arrantzarekin. Gaur egun pasaitar gastronomian oso garrantzitsu izaten jarraitzen du bakailaoak, ostatu zein etxeetan”.
Aurreko urteetan bezala maila oso altua espero da sukaldarien aldetik, Gipuzkoan pintxo-sukaldari trebeak baitaude. Baseclick enpresako kide Sonia Garciak ere, izena eman duten “taberna eta jatetxeen kalitate” goraipatu du.
