Martxoaren 8an, aldarrikapena, sorkuntza eta ahizpatasuna
Oiartzungo Feministen Asanbladak bere egitaraua aurkeztu du. Egun osoan zehar ekitaldiak egingo dituzte, Donostiako manifestazioan bukatzeko.
Iaz egindako manifestazioaren irudia. Oiartzungo Feministen Asanbladak Martxoaren 8ko egitaraua prestatzen jardun du azkeneko asteetan. Datorren asteko iganderako ekitaldi sorta prestatu dute, aldarrikapenak ozen entzun daitezen, Oiartzungo plaza eta inguruetatik. Eta noski, borroka feministara batzeko gonbita luzatzen dute. Honakoa da Martxoaren 8ko egitaraua:
- 10:00etatik 11:30era: Material sorkuntza haur, gazte eta helduentzat. Txapak, photocall-a, kartelak, antifazak…
- 11:30etik 12:15era: Bortxatzaile bat zure bidean dantzaren entsegua.
- 12:15ean: Dantzaren grabaketa.
- 12:30ean: Manifestazioa, plazatik hasita.
- 14:00etan: Bazkari autogestionatua, plazan. Kafea antolakuntzakoek eramango dute.
- 15:30ean: Bakarrizketa feminista, Mirari Martiarenaren eskutik.
- 16:55ean: Autobusa hartuko dute, Donostiako manifestaziora joateko.
- 18:00etan: Manifestazioa Donostian.
Martxoaren 2tik 7ra
- Heltaren erakusketa ikusteko aukera egongo da Manuel Lekuona bibliotekan, 10:30etik 12:30era, eta 17:00etatik 19:00etara.
