Oiarpeko pilotariek hiru finalerdi jokatuko dituzte asteburuan
Euskal Herriko Kluben Arteko Txapelketako bi kategoriatan arituko dira Oiartzungo pilotariak. Beste finalerdietako partida, Pilotaren Txokoarenean.
Oiarpeko pilota elkarteko pilotariek hamabi partida jokatuko dituzte asteburuan, hiru Madalensoron (hirurak gaur izango dira, 18:45ean hasita).
Beste hiru partida finalerdiak izango dira. Horietako bi, Kluben Arteko Euskal Herriko Binakako Txapelketarenak izango dira. 22 urtez azpiko kategorian, oiartzuarrek añorgarren kontra jokatuko dute bihar, Tolosan.
Igandean nagusien txanda izango da, eta Gasteizen jokatuko dute, Azkoitiaren kontra.
20 urtez azpiko kategoriako pilotariek, berriz, Pilotaren Txokoaren torneoko finalaurrekoa jokatuko dute, Donostiako Atano III.a pilotalekuan. Arribillaga eta Zalakainek Salaberria eta Lazkoz izango dituzte arerio.
Partida horien eta gainontzekoen ordutegiak ikusteko, egin klik esteka honetan.
