Martxoaren 8rako ekintzen egitaraua, barrutiz barruti
Hitzaldiak, tailerrak edota erakusketak; era askotariko ekintzak egingo dira Pasaian Emakumeen Egunaren testuinguruan.
Ubera liburutegian aurkeztu zuten martxoaren 8rako egitarau Pasaiako talde feminista ezberdinek. Pasaiako lau barrutietan antolatzen hasiak dira jada, martxoaren 8ari begira, emakumeak erdigunean jartzeko. Barruti bakoitzak ekintza bat hartuko du gutxienez, bertako emakume taldeek bultzatuta. Gauzak horrela, mobilizaziorako eguna igandea izango da; baina aurretik hainbat hitzaldi, tailer ala erakusketa antolatuko dira, Antxon, Donibanen, San Pedron eta Trintxerpen.
Hauxe da Pasaiako Berdintasun Mahaiak, Pasaiako Mugimendu Feministak eta beste hainbat elkartek prestatutako egitaraua.
San Pedro
- Martxoaren 9ra arte: Izan zirelako gara eta garelako izango dira argazki erakusketa liburutegian, San Pedroko emakumeak taldeak antolatuta
- Martxoak 8, Emakumearen Eguna: Emakumeak plazara, oholtzara! ekintza kolektiboa, frontoian 10:00etan
Trintxerpe
- Martxoak 4: Itsastarrak Mendi Elkarteak antolatutako, Emakumea eta mendia mahai ingurua, 19:00etan Trintxerpeko Alkateordetzan. Hizlariak: Ainhoa Lendinez, Sonia Casas eta Ruth de la Hera (Txonpi).
- Martxoak 7 eta 8: sorkuntza kolektiboko murala, Ikusiko ahal gaituzte, Trintxerpeko pistetan. 10:00etan
- Martxoak 9: Ipuin kontaketa Jabetza Eskolako kideen eskutik, Alkateordetzan 18:00etan
- Martxoak 14: Elkarrekin dantza komunitario tailerra, Betania Mendozarekin 13:00etan Alkateordetzan
Antxo
- Martxoak 5: Hitzaldia: Mugak gurutzatzen dituzten bizitzak, hegoaldeari buruzko analisi feminista, 19:00etan CEAR Euskadiren eskutik.
- Martxoak 5: India Femeninoan argazki erakusketa (arratsaldez) Bekoz Beko elkartean.
- Martxoak 7 eta 14: Autodefentsa tailerra Bekoz Beko elkartean 10:00etatik 13:30etara. Izena emateko, hemen.
- Martxoak 8, Emakumeen Eguna: goiz osoko egitaraua Harremantxok antolatua.
- 11:00: Muntaia.
- 11:30: Apaintze lanak.
- 12:00: Brindisa.
- 12:30: Manifestazioa.
- 13:30: Muxikoak.
- 14:30: Bazkaria norberak eramandakoarekin. Ondoren: bingo feminista, Kantaldia, Txotxongiloak, kalejira erraldoia.
- Martxoak 27: Dokumentala: Zauriak. Eromena, gorputza eta feminismoak Bekoz Beko elkartean.
Donibane
- Martxoak 7: bertso bazkari musikatua 14:00etan Bixi Bixi Kultur Elkartean. 16:30ean berdintasunean oinarritutako ‘euskaraokea’ haurrekin.
- Martxoak 7: Sareak ehuntzen: emakumea eta itsasoa Edurne Salaberria saregilearekin eta Idoia Lizeaga bitxigilearekin Ubera liburutegian 12:00etatik aurrera.
- Martxoak 8, Emakumeen Eguna: Ez arrox ez urdin, txokolatea sukaldean denon kolore. Haur eta nerabeei zuzendutako ekintza, Bixi Bixi Kultur Elkartean 10:00etan.
- Martxoak 26: Emakume saregileak mahai inguru eta argazki erakusketa Ubera liburutegian.
