Senideez inguratuta ospatu du Isidra Fernandezek 101. urtemuga
101 urte bete zituen egunean, familiaz gain Aizpea Otaegi Errenteriako alkatearen bisita jaso zuen Isidra Fernandezek.
100 urteen langa igaro dutenen taldeko kide gisa, Errenteriako alkatearen bisita jaso zuen Isidra Fernandezek. Igandean 101 urte bete zituen Isidrak, senideak inguruan zituela. Haiekin batera, Aizpea Otaegi alkatea izan zen, herriaren izenean Isidrari onena opatzeko.
Caceresen jaion zen Isidra Fernandez eta heldu zela, 1970. urtean Errenteriara joan zen bizitzera. Ordutik Bartzelona eta Errenteria artean ibili da, bertan bizi baitira bere alabak. Familia zabala du Isidrak; bi alaba ditu, zortzi biloba, 11 birbiloba eta dena borobiltzeko, bi hereniloba ere baditu.
Errenteriako Udalak 100 urte bete dituztenei aitortza egin ohi die. Isidraren kasu ordean, bitxikeria izan da, bere nortasun agirian jaiotze data oker zegoela ohartu baitziren. Txartelean 1920. urtean jaio zela jarri arren, urte zehatza 1919a da. Hori dela eta, 101. urtemugan jaso du bisita.