Orereta Ikastolako udalekuetan izena emateko epea, irekita
Izena emateko epea martxoaren 18ra arte egongo da irekita, eta 2 eta 12 urte bitarteko umeei bideratuta daude.
Orereta Ikastolako udalekuak. Orereta Ikastolak antolatzen dituen udalekuetan izena emateko epea irekita dago jada. Udako oporraldian aisialdirako aukera euskalduna eskaintzea eta hori hezkuntza formalaren osagarri izatea dira Orereta Ikastolako udalekuen helburuak. 2 urtetik 12 urte bitarteko umeei zuzendutako udalekuak eskaintzen dira. Ekainean hasi eta Madalen jaiak arteko iraupena izango dute, hiru edo lau astekoa, haurren adinaren arabera. Goizeko ekintza izaten da udalekuena, eta zaintza eta jangela zerbitzuak eskaintzen dituzte.
HHko haurren udalekuak, hau da, 2 eta 5 urte bitarteko umeenak, Añabitarteko gune berde eta instalakuntzetan burutuko dira. 3 eta 5 urte bitarteko umeentzako ere jangela zerbitzua eskaintzen da, familiek nahi izanez gero. Horrez gain, 4 eta 5 urteko umeen eskaintzara ekaineko azken astea ere gehituko da. Bestalde, LHkoei zuzendutako udalekuak herrian bertan izango dira. Aurten, berritasun bezala, goizeko zaintza zerbitzua izango dute. Bi aukera horiez gain, ikastolak ere ingeles udalekuak eskaintzen ditu, 5 eta 11 urte bitarteko umeei bideratuak.
Orereta Ikastolak familia guztiei zuzentzen die udaleku eskaintza, eta izena emateko epea irekita egongo da martxoaren 18ra arte.
Informazio gehiago eta izen emateak Orereta Ikastolako web orrialdean.
