[Galeria eta bideoa] Jaia eta ekintzailetza, biak batera San Pedron
Aldarrikapenerako goiza izan da gaurkoa. San Pedroko emakumean goizetik kalera atera dira, herriko bazter guztiak feminismoz janztera.
Frontoia izan da gaurko ekintzen gune nagusia San Pedron. Berdintasunaren aldeko aldarria eta festa giroa uztartu dituzte gaur San Pedron. Barrutiko emakumeak goizetik dira kalean, martxoaren 8an haien ekarpena egiteko. Herria morez jantzi dute; baina benetan jantzi dute. Esnabide kalean, herriko sarreran alegia, bide bazterrean daude zuhaitzei oihal moreak ipini dizkiete, San Pedrora iristen diren bisitariek argi izan dezaten, feminismoa indartsu dagoela.
Frontoia izan da, ohi bezala, ekintzen gune nagusia. Bertan bildu da jendea eta bertan irakurri da, San Pedroko emakumeen adierazpena. Ongi pasatzen dakitela erakusteko gainera, dantza ere egin dute frontoian, edota Proisa eraikina kokatuta zegoen lursailean.
Hona hemen goizak utzitako bideoak eta irudiak. Edukiak Haizea Ibaragai eta Aitziber Zurutuzak bidalitakoak dira.
