[Galeria] Oiartzunen, emakumeak jada kalean
Martxoak 8 da gaur. Oiartzunen jada kalera atera dira emakumeak, sorkuntzaren bidez herria girotzera. Eguerdian egingo dute manifestazioa.
Kontzejupean, prestaketan. Gaur, Martxoak 8. Oiartzunen emakumeak hasi dira kaleak bere egiten. Materiala egiteari ekin diote, elkarlanean, gazte eta heldu. Herria girotzea da asmoa.
Ondoren, 11:30etik 12:15era Bortxatzaile bat zure bidean dantzaren entsegua egingo dute Done Eztebe plazan, grabazioari ekin aurretik. 12:30ean, berriz, herriko mobilizazio nagusia egingo dute, manifestazioa.
Martxaren ondoren, bazkaltzeko txanda (14:00ak inguruan, plazan), eta bazkalostean Mirari Martiarenak bakarrizketa feministarekin girotuko ditu bertaratutakoak.
16:55ean, Donostiako herrialdeko manifestaziora joateko autobusa hartuko dute.
