Bakailaozko Pintxo Txapelketaren finala, bihar Donibaneko Kulturgunean
Xera, Danontzat, Bi Ondar, Manolo, Callejon eta Ziaboga tabernek osatuko dituzte Oarsoaldeko eta Bidasoko ordezkaritzak. Guztira Gipuzkoako 15 taberna lehiatuko dira 16:00etatik aurrera.
Gipuzkoako VI. Bakailaozko Pintxo Txapelketaren final handia hartuko du Donibaneko Kulturguneak 16:00etatik aurrera. Azken bi asteetan, tabernaz-taberna ibili ondoren, bihar lehiatuko dira Donibanen epaileek aukeratutako 15 tabernetako sukaldariak.
Finala, Livecooking, ala zuzeneko sukaldaritza formatuan egingo da. Hau da, sukaldariek epaileen aurrean kozinatuko dute. Rebeca Barainca eta Felix Manso sukaldariek, Mikel Corcuera eta Catherine Marchand kazetari eta kritikariek eta Ramon Neria Amstel enpresako ordezkariek osatuko dute epaimahaia.
Guztira Oarsoaldeko eta Bidasoko bost tabernek hartuko dute parte finalean; Hondarribiko Danontzat eta Bi Ondar tabernak, Irungo Manolo eta Callejon Tabernak, Errenteria-Oreretako Xera eta etxean jokatuko duen Ziaboga taberna sanjuandarrean. Nabarmentzekoa da Donostiar tabernen kopurua; 8. Haiekin batera, Beasaingo taberna bat ere izango da.
Gipuzkoako VI. Bakailaozko Pintxo Lehiaketaren finalistak.
1- Dolarea, Beasain.
2- Aratz, Donostia.
3- Oquendo, Donostia.
4- Eguzki Bistro, Donostia.
5- Ramuntxo Berri, Donostia.
6- Txola, Donostia.
7- Mil Catas, Donostia.
8- Apitxin, Donostia.
9- El Pescaito de la Bahía de Cadiz, Donostia.
10- Xera, Errenteria-Orereta.
11- Danontzat, Hondarribia.
12- Bi Ondar, Hondarribia.
13- Manolo, Irun.
14- Callejon, Irun.
15- Ziaboga, Pasai Donibane.