'Borroka antifrankista Errenterian' ikerketa aurkeztuko dute gaur Mikelazulon
Errenterian borroka antifrankista nolakoa izan zen aztertuko dute gaur, 19:00etan Mikelazulo elkartean.
Gune Irekiak Gai Sozialen Ikerketarako Taldeak, Hor egon ginen. Subjetividades politicas de la lucha antifranquista en Gipuzkoa ikerketan oinarrituta, Errenterian borroka antifrankista nolakoa izan zen aztertuko dute. EHUko Psikologia Sozialeko irakaslea den Xabi Minguez Alcaide ikerketaren koordinatzaileak gidatuko du gaurko solasaldia, eta ez da bakarrik arituko, garai hartan militante izan ziren Mikel Martin edota Joxe Iriarte Bikilak ekarpena egingo dute garai haien gainekoak kontatuta. Politikatik harago, borroka antifrankista, subjektibitate politiko antifrankista nola sortu zen hausnartu nahi dute gaurko saio horretan. Eskolak, familiek, auzoek, gazteen sozializazio espazioek, zein paper jokatu zuten militantzia eraikitzeko garaian aztertuko dute, eta emakumeek paper berezia izango dute.
Gune Irekiak Ikerketarako Taldeak belaunaldi arteko espazioa sortu nahi du gaur solasaldiaren bueltan, eta horren harira, garai hura bizi zuten eta frankismoaren kontra borrokatu zirenak deitu dituzte parte hartzera, baina baita, garai hura ezagutzeko aukerarik izan ez zuten gazteak ere.
Hitzordua, gaur 19:00etan Mikelazulo elkartean.