Edari energetikoen gaineko gogoeta egingo dute haur eta nerabeekin Oiartzunen
Adin Txikikoen Mahatik bideratu da lanketa. Haur, nerabe eta horien gurasoei zuzendutako sentsibilizazio kanpaina izango da.
Ostiralelean, informazio batzarra egin zuten Kuadrillategin dabiltzanekin. Adin Txikikoen Mahaiak bideratuta, edari energetikoen gaineko hausnarketa egingo dute Haurtzaro Ikastolako eta Elizalde Institutuko DBH 1, 2 eta 4 mailetan, eta Kuadrillategin. Agipadeko hezitzaileek eta ikastetxeetako tutoreek egingo dute lanketaren gidaritza (Kuadrillategin Agintzariko kideekin egiten ari dira lanketa hori).
Adin Txikikoen Mahaitik esan dutenez, edari energetikoen kontsumoa geroz eta zabalduago dago haur eta nerabeen artean, eta horien kontsumoaren ondorioen kontzientzia falta dago, ez bakarrik gaztetxoetan, gurasoetan ere bai. Kezka eragin du gaiak, eta Gizarte-Ongizate sailetik bideratzen den Adin Txikikoen Mahaitik gaiari heltzea erabaki dute.
Edari horien kontsumoak zer dakarren sentsibilizatzea da asmoa. Hala, saioen bidez, eta kaleratu den bideo baten bidez landuko dute gaia (bideoa hainbat tokitan zabalduko dute; HITZAn ere bai, behealdean dagoena da).
Gaiaz lanketa egingo dutenen artean daude Udaleko Gizarte-Ongizate eta Gazteria sailak; Abaraxka ludoteka; Agintzari; Agipad; Kuadrillategi; Haurtzaro Ikastola; Elizalde Herri Eskola eta Elizalde Institutua.
