Kanporaketen fasera iritsi da Euskal Herriko Pala Txapelketa irekia
Asteburuan kanporaketen faseko dozena bat partida jokatuko dituzte Madalensoro pilotalekuan. Oiartzuar bikoteak ere badaude fase berrian.
Asteburu honetako partidetako hainbat pilotari. Zutik, Ramos, Zubimendi, Periko Maiz (epailea), Iriarte eta Gamio. Makurtuta: Bidegain, REikondo, Aizpurua eta Ruiz. Josetxo Gamioren omenezko Euskal Herriko Pala Txapelketa Irekiko ligaxkak bukatu dira. Hortaz, datorren asteburutik aurrera, kanporaketen txanda hasiko da. Partida bakarrera, horiek irabazten dutenek aurrera egingo dute. Datorren asteburuan dozena bat kanporaketa jokatuko dituzte.
Asteburuko emaitzei dagokionez, hainbat xehetasun eman dituzte Giriziako antolatzaileek. Hala, Lehen Mailan, Txoperena eta Gastesik 25-23 gainditu zituzten Epelde eta Rodriguez, hurrengo faserako txartela lortuz. Sorpresa bat: Iriarte-Gamiok 25-24 gainditu zuten Ramos-Zubimendi bikotea, aurrera eginez hurrengo fasera.
Bikote oiartzuarren errepasoa ere egin du Giriziak. Nabarmendu du Roteta-Torres eta Egialde-Garmendia bikoteek aurrera egin dutela lehian. Bidegain-Rikondo bikotea, ordea, kanpoan gelditu da.
Honakoak, asteburuko emaitzak:
Lehen Maila
- Txoperena-Gastesi 25/Epelde-Rodriguez 23
- Zabala-Arriaga 15 Aroztegi-Erleaga 25
- Arrizabalaga-Lizarralde 25/Elejalde-San Miguel 9
- Ramos-Zubimendi 24/Iriarte-Gamio 25
Bigarren Maila
- Loidi-Loidi 24/Exkerra-Zubiarrain 25
- Kasper-Amiano 10/Arrieta-Gurrutxaga 25
Hirugarren Maila
- Egialde-Garmendia 25/Areizaga-Aranguren 14
- Arruti-Murua 25/Zurutuza-Manterola 11
- Ortega-Roteta 15/Juaristi-Askaiturrieta 14
- Balda-Cortes 15/Soria-Ginea 25
- Aizpurua-Ruiz 25/Bidegain-Rikondo 17
- Pujana-Pagoaga 22/Ituarte-Manzisidor 25
