Pasaia Kirol Elkartearen bolada onak ez du etenik
Pasaiak 2-0 hartu zuen mendean ordura arte sailkapeneko buruan zen, Sestao River, Jesus Mari Zamoran. Bolada ederrean dira antxotarrak, dagoeneko zazpi partida dira galdu gabe.
Bolada ederrean da Pasai Kirol Elkartea. 7 partida dira ez dutela galtzen. Irudia: Pasaia KE. Partida ederra izan zen larunbat arratsaldean jokatu zen euripean. Pasaia Kirol Elkartea 2-0 gailendu zitzaion ordura arte lider zen Sestao Riverri. Are gehiago, Pasaian galdu ostean, lidergoa galdu zuen Sestaok Portugaleteren mesedetan.
Sendotasuna agertu zuen Pasaiak lehen zatian; Sestao bi bandetara bidalitako pase luzeak etengabe gelditu zituzten. Aukera gutxiko zatia izan zen, Loickek izan zuen Pasaiaren onena, atearen erdira joandako jaurtiketa.
Bigarren zatia interesgarriagoa izan zen, ikusleentzat behintzat. Pasaitarrek lineak batu zituzten eta ezkerraldekoen paseek ez ziren goiko jokalariengana iristen. Horri esker, Carlos Garciaren mutilak hobeto aritu ziren erasoan eta Ibonen atetik gertu, haien jokoa garatzen hasi ziren.
67. minutuan Aratzen antxotarren lehen tantoa; gol ikusgarri bat. Sestaok aurrera pausua egin arren, Pasaiaren kontraerasoek ez zuten etenik. Horietako baten ondorio izan zen etxekoen bigarren gola, Loickek sartu zuen Karlosek emandako pase on bati esker. Zazpi partida dira jada Pasaiak ez duela galtzen. 8. postuan izanda, lasai dira sailkapenean antxotarrak.
