Elkartasun poesia Noski Liburu dendan
Zaporeak proiektuarentzat elikagaiak biltzea dute helburu iniziatibaren bidez eta egun osoko egitaraua antolatu dute horretarako.
Noski Liburu dendaren jabeak. Poesia eta elkartasuna eskutik helduta iritsiko dira Errenteria-Oreretara hilaren 21ean, Poesiaren Nazioarteko Egunean. Iniziatibaren atzean, Noski Liburu Denda, eta elkartasun horren hartzailea berriz, Zaporeak proiektua. Elikagaiak biltzea dute helburu iniziatibaren bidez eta egun osoko egitaraua antolatu dute horretarako. 11:00etan Zaporeak proiektuko kideek hitzaldia emango dute gaur egungo egoera azaltzeko, baita beren proiektuaren bidez egiten dutena zabaltzeko. Arratsaldean beste bi hitzordu finkatu dituzte, eta 17:00etan Zapataklak klake erakustaldia eta musika izango dira Noski Liburu dendan bertan (Santxoenea, 14), eta 18:30ean, poesia irakurketa kolektiboa.
Bertaratzen direnei zein bertaratzea ezin duten baina ekarpena egin nahi dutenei elikagaiak eramatera deitu dituzte antolatzaileek. Zaporeak proiektuak honakoak behar ditu: Makarroiak (luma), arroza (luzea), dilistak, babarrunak, garbantzuak, sardinak eta atuna latan, oliba olioa, ilarrak kontserban, eta espezieak: kuminoa, currya, piperrauts zuria, piperrauts beltza, kurkuma eta kanela.
