Erik Gartziak lortu ditu puntu gehien
Erik Gartziak erantzun ditu galdera gehien zuzen eta denbora gutxiagoan, eta horrek saria du Egunean Behineko Lau Haizetara elkartearen taldean.
Erik Gartzi Errigoraren olio poltsa jasotzen Lau Haizetarako kide den Mikel Azkarateren eskutik. Erik Gartziak erantzun ditu galdera gehien zuzen eta denbora gutxiagoan, eta horrek saria du Egunean Behineko Lau Haizetara elkartearen taldean. 700+Euskaraz izena du taldeak, eta Gartzia izan da lehenengo irabazlea. Lau Haizetara elkarteak Egunean Behin jokoaren taldea antolatu du lau astez, astelehenetik ostiralera Errenteria-Oreretan eta aste bakoitzean bi saridun izango dira: asteko puntuaziorik onena duena —Gartziaren kasua izan da hori— eta partaideen artean zozketan ateratzen dena. Zozketa bidezko irabazlea, berriz, Jaione izan da.
Gartziak Errigoraren olioen poltsa jaso du sari gisa.
Lau Haizetara elkarteak 700 lagun bildu nahi ditu taldera, eta dagoeneko 558 partaide lortu ditu. Bat egin nahi dutenek Egunean behin aplikazioa jaitsi behar dute Google Playtik edo App Storetik, eta C3737B kodea sartu. Hortik aurrera, euskaraz taldean jokatzen gozatzeko aukera izango dute. Azkarrenek, Gartziaren moduan, saria jasoko dute, baina baita zortea lagun duten beste batzuek ere.
