Denis Lacorrek ikertuko du parrokiako organoaren historia
Sei hilabeteko epea izango du lana egiteko. Oiartzungo Udalak ikerketa beka nori ematea deliberatu du epaimahai batek. Organista eta zaharberritzailea da.
Informazioaren zati handiena biltzen duen gaiaz gain, bada besterik. Oiartzungo Udalak Mannuel Lekuona ikerketa bekaren erabakiaren berri eman du. Aurten, Done Eztebe parrokiako Cavaille-Coll organoaren historia ikertzeko helburuarekin eman du diru laguntza hori. Denis Lacorrek jasoko du laguntza hori, beka emateko propio sortutako epaimahaiak hala erabakita. Organoetan adituak direnek osatu dute epaimahai hori.
Lacorrek sei hilabete izango ditu organoaren historia ikertzeko, eta horretarako 3.950 euroko diru laguntza jasoko du. Ikerketa lana euskaraz eta frantsesez aurkeztuko du Lacorrek.
Denis Lacorre organoegile eta zaharberritzialea da, Frantzian eta Euskal Herrian toki askotako organoekin lan egindakoa (Donostiako Santa Maria eta San Bizente elizetan, Tolosan, Usurbilen, Azkoitian…).
