Xorrola, taxibusa eta Ekialdebusen, murrizketak
Xorrolak orduro funtzionatuko du, taxibusak larrialdietarako zerbitzuak eskainiko ditu eta Ekialdebuseko busak gutxiago izango dira.
Xorrola orduro ibiliko da. Alarma egoera dela eta, garraio publikoko zerbitzuek aldaketak izango dituzte. Horrela, Oiartzun barruko garraio publikoko zerbitzuek murrizketak izango dituzte.
Xorrola
Xorrola orduro aterako da, ordu erdiro atera beharrean. Arraguatik ’10etan ateratzen den autobusa izango da funtzionatuko duen bakarra. Ordutegia eta geltokiak ikusteko, sakatu esteka honetan.
Taxibusa
Udalaren eskumeneko beste garraioari dagokionez, taxisbusak bere zerbitzua murriztuko du, abisu berriren bat egon arte. Ohiko ibilbiderik ez du egingo, eta ezinbesteko zerbitzuak bakarrik emango ditu. Ezinbestekoak diren zerbitzu horiek dira anbulatoriora edo farmaziara joan behar izatea.
Geltokira bila joateko, 943 49 14 74 telefono zenbakira deitu beharko da. Taxilariari esan beharko zaio zertarako erabiliko den. Bidai bakoitzean pertsona bakarra joango da.
Ekialdebus
Ekialdebusek esan duenez, bere autobus zerbitzuen maiztasuna %40 eta %60 artean jaitsiko da. Hori bai, ospitaleetara joateko autobusek normaltasunez egingo dute joan-etorria.
EuskoTren
EuskoTrenek bere zerbitzua erdira murriztu du. Lasarte-Oria eta Hendaia lotzen dituen lineako trenak ordu erdiro pasatuko dira, bi noranzkoetan.
