Etxean bada ere, eskola kirolak ez du etenik
Oarsoaldeko Eskola Kirola Teknikariak eta Kirolaisi XXI enpresak, etxean egtiteko moduko kirol jarduera eta jolasak eskainiko dituzte, bideo bidez.
Hezitzaileek erronkak eta jolasak eskainiko dituzte, bideoen bitartez. Irudia: Kirolaisi XXI. Koronabirusaren ondorioz ezarritako alarma egoerak, mugikortasun neurri zorrotzak ekarri ditu eta onartutako kasu eskasetan izan ezik, etxean konfinatuta egon beharko dute herritarrek. Jarduera fisikoak egiteko aukerak mugatu dira.
Ezohiko egoera honetan, Oarsoaldeko Eskola Kirola teknikariak eta Kirolaisi XX enpresak haien jarduna birpantsatzen aritu dira, eskualdeko gazteei eta haien familiei kirola egiteko aukerak eskaintzeko, bideoen bitartez. Eskola Kirola Etxean egitasmoa martxan jarri dute.
Helburu nagusia, familiak etxean egiteko moduko kirol ariketa, jolas eta baliabideak eskaintzea da eta bide batez, Oarsoaldeko Eskola Kirolaren egiturak berean jarraitzen duela helaraztea, itxialdian bada ere.
Prozesua oso sinplea izango da; hezitzaileek jarduera fisikoan oinarritzen den bideoak grabatuko dituzte eta Kirolaisikoek bideo jaso ondoren, bilduma osatuko du ariketa eta maila ezberdinekin. Datorren astelehenetik aurrera, egunero bideo bat bidaliko da.
Kirolaisik, ikastetxe bakoizeko eskola kirola koordinatzaileekin elkarlanean, bideo horiek familiei bidaliko dizkiete, eskolaren ohiko harreman sareetatik (whatsapp, gmail etab.). Era berean, heziketa fisikoko hainbat irakaslek, haien ikasgaien eduki osagarritzat erabiliko dituzte bideoak.
Erronka nagusia ariketa horiek familiko guztien artean egitea izango da eta nahi dutenek une horiek grabatzea. Hala egitekotan, #eskolakirolaetxean eta #oarsoaldeakoeskolakirola hashtag-a erabiltzera eta sare sozialetan elkarbanatzera animatu dituzte familiak.
Eskola Kirolako Teknikariak eta Kirolaisik, gainontzeko elkarte eta herritarrei haien erronkak sortu eta bidaltzera deitu dituzte, koronabirusa ez dadin izan arrazoi kirolik ez egiteko. Hauxe da haiek proposatu duten lehen erronka.
