Hemen da udaberriko 'Zeorri!' aldizkaria
'Zeorri!' aldizkariaren bigarren zenbakia kalean da jada. Erreportaje, elkarrizketa, artikulu eta bestelako eduki interesgarriz beteta dago.
Bigarren zenbakiaren azala. Zeorri! aldizkariaren bigarren zenbakia iritsi da dagoeneko Lezoko kaleetara. 52 orrialde mamitsu ditu. Lehenak bezala, gai asko eta interesgarriak landu dituzte, atal askorekin. Piztu Lezok bultzatutako egitasmoa da Zeorri!, baina lezoar guztiek kolabora dezaten zabalik dago. Itxialdi aro honetan, zalantzarik gabe, gozatzeko aukera oso ona da aldizkaria irakurtzea.
Gai nagusien artean, herriko emakume kirolari gazteei egindako elkarrizketa dago, Maitane Etxeberria eskubaloi jokalariari, Maddi Fernandez bodyboard kirolariari, eta Lierni Lekuona txirrindulariari zehazki.
Erreportajeen atalean, Etxetxo Lezoko Memoria Historikoaren Taldearen gainekoa da bat, eta bestea Gaintxurizketan egin asmo duten terminal logistikoaren gainekoa.
Horiez gain, esan bezala, beste atal asko, batzuk serioagoak, besteak dibertigarriagoak. Baina denak ala denak interesgarriak.
Zeorri!-ra harpidetzeko aukera dago, postontzian jaso nahi duenarentzat. Hemen hori egiteko lotura.
Bestalde, hemen kalewratu diren bi aldizkarietara joateko loturak (PDF artxiboak dira).
