Garbiketa zerbitzua indartu du udalak
Osasuna dela zaindu behar den aktibo nagusiena esan du Errenteriako Udalak, baita higienea dela koronabirusaren krisiari aurre egiteko tresna nagusietako bat ere, eta horri begira, garbiketa zerbitzua berrantolatu, eta funtzio berriak hartu ditu herriko higienea areagotzeko.
Garbiketa indartu du udalak Koronabirusaren krisiari aurre egiteko. Osasuna dela zaindu behar den aktibo nagusiena esan du Errenteriako Udalak, baita higienea dela koronabirusaren krisiari aurre egiteko tresna nagusietako bat ere, eta horri begira, garbiketa zerbitzua berrantolatu, eta funtzio berriak hartu ditu herriko higienea areagotzeko.
Hala, presiozko hiru makina ari dira lanean jendea pilatzen den guneak garbitzen: anbulatorioak, autobus eta topo geltokiak, Gabierrotako adinekoentzako zentroa, baita hondakinen edukiontzien irlak ere. Azken horien harira, edukiontzi grisa eta marroia —errefuxa eta organikoarena— egunero garbitzen ari da udala kanpotik, eta bi egunetik behin barrutik presioz. Presiozko garbiketa makina egunero ari da lanean, bestalde, eta baldeo kamioiaren lana indartzeko ur eta xaboiz betetako zisterna batekin hornituta mangera daraman pertsonarekin indartu dute.
Kale igogailuak egunero garbitzen eta desinfektatzen ari dira. BItarteko horiek jarrita, erantzunkidetasunerako deia zabaldu udalak beste behin ere, eta egoera kritiko honetan, bereziki arduratsuak izan daitezen eskatu die herritarrei, “besteak beste maskoten jabeei horien kakak jasotzeko eskatzen diegu. Egin behar duten zerbait da, baina une honetan are garrantzitsuagoa da, garbiketa zerbitzuek herritarren babeserako beharrezkoak diren beste zeregin batzuetan zentratu ahal izateko”.
