Onura publikoko izaera aitortu diote Juneren Hegoak elkarteari
Gaixotasunak dituzten haurrei eta haien familiei laguntzeko sortu zuten Juneren Hegoak elkartea duela zazpi urte: zaurgarritasun egoeran dauden eta haurren gaixotasuna, heriotza edo dolu esperientzia bizitzen ari diren familei laguntzeko sare bat sortzea izan du helburu, haien bizi kalitatea hobetzeko, eta gaur gaurkoz, elkartea, erreferentzia puntua dela esan daiteke Gipuzkoan.
Juneren Hegoak Elkartea Juneren Hegoak elkartea onura publikokoa da gaurtik. Hala aitortu dio Eusko Jaurlaritzak gaixotasunak dauzkaten haurrei eta haien familiei laguntzeko sortutako elkarteari. Izaera hori bere jardunaren bidez interes orokorra edo guztien ongia lortzen lagundu, eta horretarako, eskuzabaltasuna, altruismoa, elkartasuna eta aniztasun balioak baliatuta egiten duten elkarteei onartzen die.
Gaixotasunak dituzten haurrei eta haien familiei laguntzeko sortu zuten Juneren Hegoak elkartea duela zazpi urte: zaurgarritasun egoeran dauden eta haurren gaixotasuna, heriotza edo dolu esperientzia bizitzen ari diren familei laguntzeko sare bat sortzea izan du helburu, haien bizi kalitatea hobetzeko, eta gaur gaurkoz, elkartea, erreferentzia puntua dela esan daiteke Gipuzkoan. Errealitate hori, gainera, gizarteari hurbildu dio.
Carlos Sanchez Juneren Hegoak elkarteko presidenteak aitortza horrek elkartearentzat duen garrantzia nabarmendu du: “Batetik, zazpi urte hauetan boluntarioen lan eskerga ikustarazten du, eta bestetik, dohaintza egiteagatik, edozein pertsonak edo enpresak ematen duen neurrian desgrabatu ahalko duelako”.
