Aholkularitza juridikoa telefonoz eskainiko du Emakumeen Etxeak
Beste hainbeste egingo du Norbanakoen Jabekuntza Gunearekin, telefonoz emango du zerbitzua kasu horretan ere.
Emakumeen Etxean izango dira ekintzak. Aholkularitza juridikoa eta Norbanakoaren Jabekuntza Gunea zerbitzuak telefonoz eskainiko ditu Emakumeen Etxeak. Covid-19k sortutako alarma egoeraren aurrean, aurrez aurreko zerbitzua eten dute, baina duen garrantzia kontuan hartuta, telefono bidez eta orain arteko ordutegi berean eskainiko ditu Emakumeen Etxeak bi zerbitzu horiek. Hori bai, aldez aurretik hitzordua eskatzea ezinbestekoa izango da eta hirretarako, Zu! Zerbitzura deitu beharko da 09:00etatik 17:00etara edo Emakumeen Etxearen posta elektronikora mezua bidali.
Aipatu bezala, ohiko ordutegia mantenduko dute bi zerbitzuek: orientabide juridikoa astearteetan 18:00etatik 20:00etara; eta Norbanakoaren jabekuntza gunea ostegunetan, 16:00etatik 18:00etara.
