Txarrenean onena erakusten ari dira
8.000 dei egin dituzte guztira sare horrekin bat egitea erabaki duten 426 boluntarioek, adineko herritarrei zer moduz diren eta zein behar dituzten galdetzeko.
Enara Alfonso boluntarioa da Zaintza Sare Komunitarioan. Txarrenean onena erakusteko unea zela esan zuen pasa den astean Aizpea Otaegi Errenteriako alkateak, eta zalantzarik ez da bazekiela zertaz ari zen hitz egiten, ezagutzen duela, alegia, hura gidatzeko aukeratu duen komunitatea. Horixe egiten ari dira herritarrak, txarrenean onena erakutsi. Pasa den astean jarri zuen martxan udalak Zaintza Sare Komunitarioa eta astebeteko epean, sare hori Errenteria-Oreretan bizi diren 70 urtetik gorako eta bakarrik bizi diren 60 eta 69 urte arteko herritar guztiekin harremanetan jarri da.
8.000 dei egin dituzte guztira sare horrekin bat egitea erabaki duten 426 boluntarioek, adineko herritarrei zer moduz diren eta zein behar dituzten galdetzeko. Dei horietan jasotako datuen arabera, gainera, haien egoeraren gaineko diagnostikoa ere egin du udalak. Esker ona azaldu die boluntario guztiei, eta zorionak eman egiten ari diren lanarengatik. Lan handia ez da, telefono deiak egiten dituzte, handitasuna, baina, alde humanoan du, eskuzabaltasunean, erakusten duen komunitatearekiko konpromisoan; lortu duten saretzea bera da handia.
Otaegik bideoa bat zabaldu du esker ona azaltzeko lanean ari diren boluntario horiei eta zoriontzeko. Hiru oinarri jarri dikzio sarearen iniziatibari, horien gainean eraiki delako: Elkartasuna, komunitatea eta elkarlana. Elkartasuna, alkatearen hitzetan, izugarria zian delako lehen unetik iniziatibak izan duen erantzuna, asko izan direlako boluntario izateko prest azaldu direnak; komunitatea, iniziatiba martxan jarri zenetik 8.000 dei egin dizutelako boluntarioek, zaurgarrienak direnei zer moduz dauden eta zein behar dituzten galdetzeko. Dei horietan jasotakoarekin diagnostikoa ere egin du udalak, eta dagoeneko ari dira zsarearen bidez elikagaiak eta botikak iritsarazten etxeetara, baina ari dira materialak ez diren bestelako beharrak asetzen ere, “deien jarraipena egiten ari dira boluntarioak beldurra edota bakardadea adierazi dieten herrikideei sustengua eta babesa emateko”.
Lankidetza, hori ere ezinbesteko aldagaia sare komunitarioan. Erronka handia du udalak adinekoei behar bezala erantzuteko, haien beharrak, dena direlakoak, asetzeko, “erronka horri erantzuteko gai izan bagara, udal langileen, babes zibileko kideen eta boluntarioen sarea artikulatzeko gai izan garelako izan da”.
Harro eta pozik azaldu da azkenik alkatea, “komunitate honetako kidea naizelako, txarrenean onena erakusten ari garelako. Konfinamendua ez da amitu, luzatu egin da, eta sare ikaragarri honi esker, artikulatu dugun guztiari esker, gai izango gara orain arte identifikatu diren beharrei, zein aurrerantzean identifikatuko direnei erantzuteko. Zorionak eta mila esker”.
