Hainbat neurri ekonomiko proposatu ditu PSE-EEk
Prentsa oharrean, eskerrak eman dizkie lehenik herritarrei erakusten ari diren "konpromisoa, ardura, gizatasuna eta elkartasuna guztiok bizitzen ari garen une zail hauetan, eta eskerrak, bereziki, guregatik beren bizia jokoan jartzen ari diren profesional guztiei".
Iztieta auzoa. Argazkia: Pse-EE Pandemiaren ondorioei aurre egiteko, hainbat neurri ekonomiko proposatu dizkio gobernu taldeari PSE-EE-k eta atzo bertan iritsarazi alderdiak berak jakinarazi duenez. Prentsa oharrean, eskerrak eman dizkie lehenik herritarrei erakusten ari diren “konpromisoa, ardura, gizatasuna eta elkartasuna guztiok bizitzen ari garen une zail hauetan, eta eskerrak, bereziki, guregatik beren bizia jokoan jartzen ari diren profesional guztiei”.
Orain artean pandemiaren harira gobernu taldeak hartutako neurriekin bat datorrela esan du, “lanean ari gara egungo egoera hobetuko duten neurriak adosteko”.
Proposatu dituen neurriak honakoak: zergak ordaintzeko egutegia luzatzea; OHZ Ondasun Higiezinen Zerga ordaintzeko borondatezko epea udara ostera arte luzatzea; ostalaritza, komertzioa eta enpresei begira, alarma egoera epeari dagokion terrazen eta hondakinen bilketa eta ezabaketa tasa itzultzea, eta 2021eko terrazen tasa ez kobratzea.
Herritarrei eta enpresei dagokienean, proposamen zehatzik ez, eta horiek laguntzeko zein neurri har daitezken hausnartzea eskatu diote gobernu taldeari, “bonifikazio bidez edota prezio publikoak jarriz, neurri sozialak onartu behar gehiago duten herritarrei laguntzeko aurrekontuaren edota soberakinen bidez. Enpresak eta tokiko komertzioa bizirik mantentzeko neurriak hartu beharko dira”.
Amaitzeko, udal langileak dagoeneko egiten ari diren desinfekzio lanetan sakontzeko eskatu du alderdi sozialistak, “bereziki adinekoen egoitzetan, anbulatorioetan, saltokietan, farmazietan, autobus geltokietan, kaleko igogailuetan, Gaztelutxon eta Belabaratzen eta baranda guztietan”.
