Argia itzalita ere, dena bikain
Planetaren ordua egingo dute larunbatean WWF erakundeak deituta eta ordubetez etxeko argiak iztaltzera deitu dute klima aldaketaren aurka.
planetaren ordua iniziatiba egingo dute larunbatean 20:30etik 21:30era. Albistearen titularren azaltzen den esaldia aukeratu du aurten WWF erakundeak Planetaren Ordua iniziatibarentzat. Klima aldaktaren kontrako keinu sinboliko hori larunbatean izango da 20:30etatik 21:30era bitartean. Tarte horretan, etxeko argiak itzali eta linterna edota mugikorrarekin leiho eta balkoietatik morse kodean Argia itzalita ere, dena bikain! mezua helarazteko eskatu dute antolatzaileek —beheko bideoan ikus daiteke nola egin behar den—.
WWF erakundeak adierazi du 2020a urte kritikoa dela naturarentzat, “izan ere aurten erabaki politiko garrantzitsuak hartuko dira klimaren, garapen iraunkorraren eta naturaren gainean”. Erabaki horiek eragina izango dute planetaren osasunean, baita herritarren etorkizunean ere. Zientzialariek hamar urteko epea eman dute klimaren aldaketaren eragin okerrenak saihesteko.
Errenteriako Udalak argiak itzaliko ditu larunbatean aipatu ordutegian, eta horretara deitu ditu herritar guztiak ere.
