Etxeko hondakinak kudeatzeko informazioa eman du Lezoko Udalak
Lezoko Udalak datozen egunetan ez ditu banatuko poltsa konpostagarriak. Edukiontziak irekita izango dira, giltzarik gabe erabil daitezke.
Edukiontziak Guillermo Lazon kalean. Lezoko Udalak etxeko hondakinak kudeatzeko hainbat irizpide eman ditu egunotan. Udal erakundearen arabera zailtasunak daude herrian edukiontziak irekitzeko edo poltsa konpostagarriak osasun neurri guztiak beteaz banatzeko, eta horri begira, neurri sorta iragarri du. Honakoak dira neurri horiek, hitzez hitz:
- Martxoaren 24tik aurrera herriko errefusa eta organikoko edukiontziak irekitzeko ez da beharrezkoa izango txartelak erabiltzea, hau da, sarraila guztiak irekita utziko dira. Hori dela eta, udalak ez du txartelik banatuko.
- Poltsa konpostagarrien kasuan, herritarrei gogorarazten zaie poltsa mota horiek erabiltzea San Markos Mankomunitateak, eta hortaz udalak ere, emandako gomendio bat dela, garbitasuna bermatzeko helburua duena, baina nahitaezkoa ez dena.
- Hori horrela, eta kontuan hartuta poltsa horiek egun irekita dauden hainbat saltokietan eskura daitezkeela nahi izanez gero, udalak bertan behera utziko du poltsa horien banaketa zerbitzua, hau da, udalak ez du poltsa konpostagarririk banatuko.
- Arren eskatzen zaie herritarrei, beraien hondakin organikoak jasotzeko plastikozko poltsak erabiltzen badituzte, horiek edukiontzi marroira ez botatzeko, haien edukia hustu ondoren edukiontzi horira baizik.
- Auzokonposta proiektuari dagokionez, telefono/email/whatsapp bidezko arreta mantentzen da. Hurrengo jarraipen bisita apirila bukaeran denez, orduan egoeraren arabera baloratuko da zer egin.
