Udal zergak ordaintzeko epeak malgutuko dira Pasaian
Udalak hartutako behin-behineko erabakia da, koronabirus izurriteak eragindako zailtasun ekonomiko eta administratiboak arintzeko.
Pasaiako Udalak ebazpen bat onartuko du, udal zergen epeak malgutzeko.
Pasaiako Udalak jakinarazi du ebazpen bat onartuko duela, udal zergen epeak malgutzeko. Hortaz, hilaren 14an, alarma egoera ezarri baino lehen, borondatezko epean egitekoak ziren likidazio eta premiamenduzko probidentzien ordainketa epea luzatuko da.
Era berean jarraian aipatuko diren, bost zerga errolden borondatezko epeak ere luzatuko dira.
- Bide publikoan terrazak, mahaitxoak eta antzeko elementuak jartzea.
- Etxez etxeko laguntza, azokak, ondasun higiezinen errenta eta kanona: 2020-2 epea.
- Trakzio Mekanikoko Ibilgailuen gaineko Zerga.
- Ura eta saneamendua: 2019ko 3. lauhilekoa.
- Jabari publikoaren erabilera.
Martxoaren 20an bukatzekoak ziren zerga-erroldak kobratzen zaizkien herritarrek, baliogabetzea eskatu ahalko dute bankuan eta beste epe bat eskatu. Aldian behin, ordaintzeko diren gainontzeko tasak, banan-banan aztertuko dira.
Martxoaren 25ari eta apirilaren 10ari dagozkien zatikatze eta geroratze epeak ere, atzeratuko ditu udalak.
