Zortzi koronabirus kasu berri Oarsoaldean
Atzoko datuen arabera, zortzi pertsonatan hazi egin da koronabirusagatik gaixo direnen kopurua Oarsoaldean. Errenterian eta Pasaian izan da hazkundea.
![](https://oarsoaldea.hitza.eus/site/files/2020/03/koronabirusa-kartel-umeak-1200x1698.jpg)
Osasun Sailak herriz herri koronabirus kasuen berri emateko txostena publiko egiteari ekin zion hilaren 18an. Gaur, atzoko (martxoak 25) 20:00etan jasota zituen datuen berri eman du. Errenteria-Oreretan (+7) eta Pasaian (+3) hazi dira Covid-19a dutenen kasuak eskualdean. Lezon, berberean jarraitzen dute, lau kasutan. Oiartzunen ere, hilaren 24ko datua errepikatu da.
Horren arabera, honakoak dira Oarsoaldean konfirmatutako kasuak (parentesi artean, hilaren 24ko datuekiko aldea).
- Pasaia: 19 (+1). 1.000 biztanleko koronabirus kasuak: 1,13
- Oiartzun: 7 (=). 1.000 biztanleko koronabirus kasuak: 0,67
- Errenteria-Orereta:29 (+7). 1.000 biztanleko koronabirus kasuak: 0,72
- Lezo: 4 (=). 1.000 biztanleko koronabirus kasuak: 0,65
Jarraian dagoen grafikoan, kasuen bilakaera herriz herri hilaren 18tik.
Osasun Sailak eman berri duen informazio txosten osoa, beheko estekan.