Proposamenak bidaltzeko epea luzatu du Atlantikaldiak
Proposamenak jasotzeko epea, apirilaren 30era arte luzatu dute, eta formulario bidez jasoko dituzte.
Atlantikaldia jaialdirako proposamenak bidaltzeko epea luzatu dute antolatzaileek Covid-19ak sortu duen osasun larrialdiagatik. Jaialdia posible egiten duen lantalde osatzen dutenek, elkartasuna osoa adierazi diete merkatari, ostalari, artista eta gainontzeko profesional zein norbanakoei, eta eskerrak eman dizkiete krisialdi honi aurre egiteko lanean ari diren osasun arloko langile, zaintzaile, elikadura sektoreko langileei, garraiolariei, boluntarioei eta gainontzeko herritarrei.
“Herritarrengan antzematen den elkartasuna, etorkizuneko jendartea eratuko duen zutabe bilakatzea” nahi dute, eta egoera honen guztiaren erdian, Atlantikaldia ilusio izpi bat izatea, “une batez etorkizunera begira jarri eta laster elkarrekin gozatzeko jaialdia irudikatu. Horrelako egoeren aurrean atera behar du bakoitzak duen onena”. Aurtengo ekinaldia inoiz baino garrantzitsuagoa izango dela diote, gainera, eta momentu ezin hobea izan daitekeela honakoa, datorren Atlantikaldirako proiektu berriak irudikatzen hasteko, “normaltasunera bueltatzean ,kulturak ezinbesteko eginkizuna izango du gizartearen berreraikuntzan”.
Proposamenak jasotzeko epea, apirilaren 30era arte luzatu dute, eta formulario bidez jasoko dituzte (Hemen sakatu).
asotako proposamen guztien balorazioa egin ondoren, jaialdiko lantaldea maiatzaren 29a baino lehen jarriko da igorleekin harremanetan. Informazio eta argibide gehiagorako posta elektronikoa ere eskura dute interesdunek.
Ortzimugak
Atlantikaldiaren zazpigarren ekitaldiak Ortzimugak lelopean eraikiko dute, eta ortzimuga horrek, Errenteriak 700 urte beteko dituenean, orainaldiaren eta etorkizunaren arteko inflexio puntua izan nahi du.
