Karrikako Iturburu etxea fumigatu du udalak
Udal jabetzako eraikina da Iturburu etxea. Eltxo asko agertu zirela eta, udalak etxea fumigatu zuen iaz, eta aurten berriro egin dute.
Karrika auzoaren hasieran dago etxea.
Oiartzungo Udalak jakinarazi duenez, Karrika auzoko Iturburu etxea fumigatu du duela gutxi. Udal jabetzako eraikina da Iturburu, eta garai batean auzoko haur eskola izan zen.
Iazko udaberrian ere fumigatu zuten. Izan ere, Karrikako biztanleak kexu ziren eltxo pila bat agertu zirela. Egoera aztertu, eta eraikina fumigatzea erabaki zuten. Aurten erabaki bera hartu dute, eta jarraipena egiten jarraituko dute.
