'Maskara 19' indarkeria matxistari aurre egiteko beste bide bat
Salaketa bide guztiak martxan daude, baina orain, Gipuzkoako Foru Aldundiak bat egin du Maskara 19 errekurtsoarekin —Mascarilla 19, gazteleraz— . Horren arabera, Gipuzkoako farmazia guztiek bat egin dute iniziatibarekin, eta indarkeria matxista sufritzen ari diren emakumeei laguntza eskaintzeko protokoloa dute martxan.
Noemi Olazabal bere farmazian. Konfinamenduak, erasotzaileekin bizi diren emakume eta adin txikikoen egoera are gehiago gogortzea ekarri du. 24 orduak etxean, erasotzailearekin uneoro eman behar dituzte kasu txarrenetan, konfinamendua infernu bilakatuta. Egoera hori izanik gainera, salaketa egitea ere zailagoa dute indarkeria matxista pairatzen duten emakumeek.
Salaketa bide guztiak martxan daude, baina orain, Gipuzkoako Foru Aldundiak bat egin du Maskara 19 errekurtsoarekin —Mascarilla 19, gazteleraz— . Horren arabera, Gipuzkoako farmazia guztiek bat egin dute iniziatibarekin, eta indarkeria matxista sufritzen ari diren emakumeei laguntza eskaintzeko protokoloa dute martxan. Oinarrizko zerbitzuak izanik, zabalik daude konfinamendu garaian ere, eta indarkeria matxista sufritzen ari diren edo arriskua duten emakumeek bertara jo dezakete laguntza eske.
Hitz gakoa esan baino ez dute, Maskara 19 etafarmazietako langileek berehala abiatuko dute protokolo jakin bat horiek laguntza jaso dezaten.
Noemi Olazabal Urraka Iztieta auzoko Donostia kalean dagoen izen bereko farmaziako nagusia da. Aste honetan jarri dute martxan Maskara 19 iniziatiba Gipuzkoako gainontzeko farmaziekin batera. “Farmaziara etorri eta hitz gakoa, Maskara 19 esaten badigu emakume batek, berehala ulertuko dugu indarkeria matxista jasaten ari dela edo arrisku bizia duela; izena, abizena, helbidea eta telefono zenbakia eskatuta, telefono zenbaki zehatz batera deitu behar du guk eta informazio hori bideratu, emakumea lagun dezaten”.
Errenteria-Orereta, Lezo eta Pasai Antxo eta Donibaneren artean 20 farmazia ari direla atzotik laguntza hori eskaintzen indarkeria matxistari aurre egiteko azaldu du Olazabalek, “informazioa ematen duten kartelak ditugu erakusleihoan zein farmazia barruan mezua zabaltzeko ahalik eta gehien”. Momentuz ez dute laguntza eskaerarik izan, baina egin dezaketen ekarpenaren garrantziaz jabetuta dago, “egoera horretan bizi den emakume edota adin txikikoei lagundu ahal izatea ohorea da niretzako. Egun hauetan, etengabe ari naiz horrekin pentsatzen, erasotzailearekin bzi behar duten emakume eta adin txikikoak ezin ditut burutik kendu. Izugarria izan behar du. Laguntzea badugu, zoragarria iruditzen zait”.
