Txikienei begira Fifa online txapelketa antolatu du Madalenak Cup-ek
Madalenak Cup txapelketaren edizioren batean parte hartu duten 2005 eta 2010 urteen artean jaiotako haur eta gazteei begirakoa da Fifa20 online txapelketa.
Fifa online txapelketa egingo dute. Itxialdia atseginagoa egin asmoz, Madalenak Cup txapelketaren antolatzaileek iniziatiba bat abiatu dute etxeko txikienentzat begira. Zehazki, Madalenak Cup txapelketaren urteren batean parte hartzaile izan diren haurrei begirakoa da iniziatiba. Antolatu dutena, berriz, Fifa 20 online txapelketa izan da, eta Aste Santuan, apirilaren 6tik 12ra bitartean egingo dute.
Parte hartzeko baldintzak honakoak: aurretik aipatu bezala, Madalenak Cup txapelketaren ekinaldiren batean parte hartu izana. Horrekin batera, 2005-2010 urteen artean jaioak izan behar dute —9 eta 15 urte artekoak, alegia— eta Telefonoa whatsappa erabili ahal izateko, Play Station 4 gailua, Fifa 20 jokorako online sarbidea (Psplus), eta Fifa 20 izan behar dituzte.
Baldintza horiek guztiak bete eta parte hartu nahi dutenek, izena emateko mezua bidali behar dute posta elektronikora eta izen abizenak eta jaioturtea, jokoaren erabiltzaile izena edo id, eta telefono zenbakia whatsappa erabili ahal izateko adierazi beharko dituzte.
Izena emateko epea apirilaren 3an, ostirala, amaituko da eta plazak mugatuak dira. 162 jokalari onartuko dituzte, eta dagoeneko 35 jokalarik eman dute izena. Izena ematea amaitzen denean, antolatzaileek txapelketa jokatzeko formaturik egokiena hautatuko dute antolatzaileek, eta. bikoteak osatuko dituzte. Whatsapp bidez jasoko dute horren guztiaren berri. Irabazleek, Madalenak Cup txapelketaren hurrengo ekitaldian, aurtengo uztailean, jasoko dute saria.
