Haur eta Gazteen Literaturaren Egunean, ez ahaztu eLiburutegia erabiltzeaz
Mugarik gabe ateak itxi badituzte ere, haurrei zuzendutako liburuen egunean eLiburutegia online zerbitzua erabiltzeko gonbita luzatu diete Pasaiako liburutegiek herritarrei.
Pasaiako liburutegiek haur eta gazteei zuzendutako 11 liburu gomendatu dituzte. Gaur Haur eta Gazteentzako Literaturaren Nazioarteko Eguna ospatzen da. Irakurtzea da hain zuzen ere, konfinamenduari aurre egiteko modurik onenetarikoa. Gauza gutxik ematen dute nonahi bidaiatzeko aukera, etxetik atera gabe. Hori dela eta Pasaiako Udal Liburutegiek, eLiburutegia online plataforma erabiltzeko gonbita luzatu diete herritarrei. Koronabirusak liburutegiak ixtera behartu du, baina mailegatzen jarrai daiteke.
Eusko Jaurlaritzaren eLiburutegian milaka liburu eta film eskuragarri daude, nahi duenak maileguan hartu ditzan. Doako zerbitzua da eta erabilera errazekoa; Pasaiako liburutegietako bazkideek, haien erabiltzaile izen eta pasahitz berbera erabili dezakete plataforma erabiltzeko. Pasahitzarekin arazoak izanez gero, eman arazoaren posta elektronikoz. Bestalde, Pasaiako liburutegietan maileguak etengabe berrituko dira, alarma egoera bukatu arte.
Gaur Haur eta Gazteentzako Literaturaren Nazioarteko Egunaren gainera, Pasaiako liburutegiek eLiburutegian mailega daitezkeen hainbat liburu gomendatu ditu.
- Kankaleko misterioa, John Andueza.
- Kixmi elurpean, Arrate Egaña.
- Hori bai ipurdia, Antton Dueso.
- Yasuke – Antton Irusta.
- Eskularru beltzak – Jasone Osoro.
- Argazki bilduma – Antton Kazabon.
- Estalaktika Rockeroaren kasua – Anjel Lertxundi.
- Zein usain dute oroitzapenek? – Maddi Etxeberria.
- Maren – Alaine Agirre.
- Ariadna eta Hankapalo – Jose Telletxea.
- Ilargiaren alaba – Toti Martinez de Lezea.
