Bi puntu eta erdian jaitsi da trafikoa Pasaiako Portuan lehen hiruhilekoan
Aste honetan bertan bere enpresa eta erabiltzaileei laguntzeko neurri sorta zabala aurkeztuko duela azaldu du Pasaiako Portuak
Beherakadarik handiena martxoan, esportatutako salagaien gutizkoak izan du. Lehen hiruhilekoaren balantzea itxi berritan, Pasaiako Portuko trafikoa %2,5 jaitsi dela jakinarazi du Felix Garciandia presidenteak. Jaitsiera txikia dela dio Portu Agintaritzak, eta horrek, portuak berak eta bertako enpresak egindako lana erakusten duela, “Elkarlanak bere emaitzak erakutsi ditu. Eraginkortasunez eta segurtasunez ari gara lanean, Gipuzkoarako funtsezko jarduera da portua, baita kate logistikoan lagungtza ematen dien sektore estrategikoentzat ere: siderurgia, automobilgintza, arrantza, papergintza, kimika eta nekazaritzako elikagaiak”.
Ez dela erraza izan esan du, barne antolaketa egokitu behar izan dutelako “denbora errekorrean oso tentsio handiko merkatuaren erronkari aurre egiteko”.
Datuak eman ditu ondoren Portu Agintaritzak. Lehen hiruhileko metatuan, negozio segmentuetan aztertuta, siderurgia, automobilgintza, papergintza edo nekazaritza elikagaien sektoreek jarduera ona erakutsu dutela nabarmendu du. Ez da horrela izan, txatarra, egurra, edo zerealak bezalako solido solteen kasuan, “20.000 tona gutxiago dira, ia 800.000 tona metatuta”.
Martxoko beherakadarik handiena, esportatutako salgaien guztizkoak izan du, “batez ere siderurgiak eta automobilgintzak, horien jarduera moteldu edo gelditu den neurrian”.
Datozen hilabeteetarako joera bera aurreikusi du , “gaur egun geldirik dauden edo jarduera murriztuta duten jardueretarako inportazioak behera egingo duela aurreikusten dugu”. 2018ko datuen arabera, Gipuzkoak egiten dituen esportazio eta inportazio tona kopuruaren %33a itsasoz egiten dela esan du Portu Agintaritzak, eta guzti horretatik, %47a Pasaiako Portuaren bidez.
Laguntza neurriak
Aste honetan bertan bere enpresa eta erabiltzaileei laguntzeko neurri sorta zabala aurkeztuko duela azaldu du Pasaiako Portuak, “enpresek egin behar dituzten ordainketen eragin negatiboa arindu, eta portu eremuko betebehar jakin batzuk malgutzeko neurriak izango dira”.
