Beste bost koronabirus kasu Oarsoaldean

Errenteria-Oreretan hiru kasu berri zenbatu dituzte eta bana Oiartzunen eta Pasaian; Lezon ez da kasu berririk izan atzo.

Arnas hartzeko aukera eman zuen atzo Covid-19ak Oarsoaldean; kasu berririk ez zuten antzeman herenegun 20:00ak arte egindako kontaketan. Egunero bezala, Osasun Sailak gaur eguerdian eman ditu koronabirusaren gaineko datu zehatzak herriz herri. Atzoko (apirilak 7) 20:00ak arte kontatutako kasuak dira, denera. Horien arabera, beste bost kutsatu daude Oarsoaldean, hiru Errenteria-Oreretan, eta bana Oiartzunen eta Pasaian. Lezon, kutsatu berririk ez.

Oarsoaldeko lau herrien artean Koronabirusarekin gaixotutako 120 pertsona daude.

Azken txosten horren arabera, hauek dira herriz herrikako datuak Oarsoaldean; parentesi artean apirileko lehen egunean jasotakoekin dagoen aldea.

  • Errenteria-Orereta: 64 (+3). 
  • Pasaia: 33 (+1).
  • Oiartzun: 12 (+1).
  • Lezo: 11 (=). 

Osasun Sailaren txostena osorik.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.