Komunitatean elkar zaintzeko gonbita luzatzen duen bideoa prestatu dute
Oiartzungo Udalak bideoa egin du, elkar zaintzak duen garrantzia azpimarratuz. Oiartzungo Feministen Asanbladaren eta Oiartzun Aurrearen babesa jaso du.
Oiartzungo Udalak, Gizarte-Ongizate sailaren bitartez, bideo bat prestatu du elkarren arteko zaintzaren garrantzia gogorarazteko. Zaintza erdigunean jarri eta bizilagunen arteko sareak indartzeko gonbita luzatu dute modu horretan.
Komunitatea beti garrantzitsua dela nabarmendu dute, baina are gehiago Covd-19ak sortutako osasun larrialdian. “Guztiok zaurgarriago bihurtzen gaitu”, adierazi dute. Bideoa hemen azpian ikusteko aukeraz gain, sare sozialetan zein Xorrola autobuseko pantailan ikus daiteke.
Udaleko gizarte zerbitzuekin harremanetan jartzeko bideak ere jarri dituzte bideoaren bukaeran.
Bideoak Oiartzungo Feministen Asanbladaren eta Oiartzun Aurrea iniziatibaren babesa jaso du.
