Lezoko leihoetatik, mundura begira

Lezoko leihoetatik, mundura begira jarri dira. Piztu Lezoren argazki lehieketara aurkeztu diren argazkiak hamarnaka izan dira, Aurki, botoa emateko aukera.

Lehiaketara aurkeztu diren argazkietako batzuk.

Piztu Lezok abian jarritako Mundua begiratzeko leihoak argazki lehiaketa aurrera doa. Jada ikusgai jarri dituzte orain arte bildu dituzten argazkiak, eta aurrerago, horien bozketarako txanda iritsiko da.

Aurretik, ordea, Lezoko hiru argazkilarik jasotakoen artean aukeraketa egingo dute, eta horien artean eman beharko dute botoa herritarrek. Bi sari emango dituzte: argazki onenaren saria, eta argazki xelebreenarena.

Argazki lehiaketa irekia izan da Piztu Lezok antolatu duena, herritar orori zabalik, itxialdiari aurre egiteko baliabide bezala. Bi baldintza bete beharrekoak: etxeko leihoetatik edo etxean ateratako argazkiak izatea, eta sakelako telefonotik jasotakoak izatea.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.