Musika, Kultur Labearen erdigunera, aste honetan
Gaur bertan, Les Fous taldeko Olatz Otxoa Otxik eta Xanti Romanok bi kantu eskainiko dituzte. Bihar eta etzi ez da emanaldirik izango kultur sektoreak greba digitalera deitu duelako bi egun horietarako: Ikus ditzaten desagertuko dira eta entzun ditzaten isildu.
Alvaro Ledesma diziplina anitzeko artista marionettes bere lanarekin. Argazkia: Metrokoadroka Sormen Laborategia Kultur Labearen barruko programazioan, musikak indar berezia izango du aste honetan. Hasteko, gaur bertan, Les Fous taldeko Olatz Otxoa Otxik eta Xanti Romanok bi kantu eskainiko dituzte. Bihar eta etzi ez da emanaldirik izango kultur sektoreak greba digitalera deitu duelako bi egun horietarako: Ikus ditzaten desagertuko dira eta entzun ditzaten isildu.
Ostegunean berrartuko du programazioa Kultur Labeak, eta Alvaro Ledesma diziplina anitzeko artistak musika proposamena egingo du. Bertik, Kubako kantautoreak emango dio amaiera asteari.
Emanaldi berrien estreinaldia 18:00etan da egunero astelehenetik ostiralera, baina ordutegi horretatik kanpo ere ikus daitezke nahieran udalaren Herri Bizia webgunean.
Kultur Labea proiektua orain bi aste abiatu zuen Errenteriako Udalak. Kultur programazioa birplanteatzeko beharra ere ekarri du Covid-19ak, beste arloetan bezala, eta proiektuarekin leiho bat zabaldu nahi izan du udalak Errenteriako sortzaileak eta horien lanak ezagutzera emateko egoera honek jarraitzen duen bitartean. Herriko sorkuntzak etenik izan ez dezan pentsatutako gune bat da, finean.
Proiektuari esker, antzerkiak, dantzak, musikak eta adierazpen ezberdinetako emanaldiak euren ohiko agertokia aldatu eta Herri Bizia , udal komunikabidearen webgunean izango dute txoko bat. Bertan egingo den programazioa, udalak horretarako espresuki kontratatutako emanaldiekin osatuko da.
