Novirtual eta Ingumak enpresek lortu dute STEM ekiten beka
Proiektu irabazleek HABIAN! hazitegian sei hilabeteko egonaldia egiteko eskubidea izateaz gaina, ekarpen ekonomikoa ere jasoko dute.
Eskualdeko udal guztiek eta Gipuzkoak Foru Aldundiak babesten dute STEM ekiten. Novirtual eta Ingumak enpresek lortu dute, Oarsoaldea Garapen Agentziaren STEM ekiten egitasmoaren beka. STEM hitzak, zientzia, teknologia, ingeniaritza eta matematika hitzen ingelesezko akronimoa da. Martxoan zehar Gipuzkoako Foru Aldundiak bultzatutako STEM ekiten prestaketa saioak egin ziren (modu telematikoan) Oarsoaldean. Bertan, ekintzaileek haien proiektuak garatzeko aukera izan zuten.
Aurkeztutakoen artean, zortzi ekintzaile igaro ziren bigarren fasera eta guztien artean, Novirtual eta Ingumak izan ziren irabazleak. Horri esker, HABIAN! hazitegian sei hilabeteko egonaldia egingo dute baita ekarpen ekonomiko bat jaso ere. Novirtualekoek 3D grafikoak sortzen dituen programarengan erabateko kontrola izateko gailu bat ekoizten dute. Ingumak ordea, neurrira egindako bideo-jokoak eta edozein plataformetan erabil daitezkeen gaming aplikazioak.
Prestaketa saioak bukatu arren, parte hartu duten eragile guztiekin harremanetan jarraituko duela adierazi du Oarsoaldea Garapen Agentziak.
